Cerdd newydd: Gruffydd Aled Williams

Yn seremoni Llyfr y Flwyddyn ym mis Gorffennaf eleni, enillwyd y Wobr Ffeithiol Greadigol gan yr Athro Gruffydd Aled Williams, am ei gyfrol Dyddiau Olaf Owain Glyndŵr. A hithau bellach yn dridiau wedi Diwrnod Owain Glyndŵr ar 16 Medi, dyma achub ar y cyfle i longyfarch yr Athro ac ychwanegu at y wefan hon gerdd a ysgrifennais i ar ei ymddeoliad yn 2008.

Gruffydd Aled oedd fy nhiwtor wrth astudio canu cynnar Guto'r Glyn am radd MPhil yn Adran y Gymraeg ac Astudiaethau Celtaidd ym Mhrifysgol Aberystwyth. Mae'r egwyddorion gwerthfawr a ddysgais dan ei arweiniad ef – trin ffynonellau'n ofalus, traethu'n eglur ac ymchwilio'n drylwyr – i'w gweld i gyd yn eglur yn Dyddiau Olaf Owain Glyndŵr. Ac ystyried cynifer o gyfrolau ceiniog a dimau a gyhoeddir am Owain a'i debyg o flwyddyn i flwyddyn, dyma gyfrol sy'n pontio'n feistrolgar rhwng gwaith academaidd cyfewin fanwl ar y naill law, ac ar y llall ymdriniaeth boblogaidd â thynged drist un o arwyr mwyaf y genedl. Prynwch hi!

---

By way of congratulating Professor Gruffydd Aled Williams – my former tutor at the Department of Welsh and Celtic Studies at Aberystwyth University – on winning the Book of the Year Welsh-language Creative Non-fiction Prize with Dyddiau Olaf Owain Glyndŵr, I've added to the website a poem I presented to him on his retirement in 2008.