Llyfrau newydd: Yr Arth a fu'n Bloeddio Bw! + Cefin y Coala Carcus

Fe fues i'n brysur dros yr haf yn cyfieithu ac yn addasu dwy gyfrol ddoniol iawn ar gyfer gwasg Atebol.

Mae'r gyntaf – Yr Arth a fu'n Bloeddio Bw! – yn fersiwn Cymraeg o lyfr poblogaidd gan David Walliams a Tony Ross, The Bear Who Went Boo! (HarperCollins). Dyma ddisgrifiad gwefan Gwales:

Stori lawn antur yn adrodd hanes arth wen ddrygionus sy'n byw ar ben y byd, mewn gwlad o eira a rhew. Hoff ddiddordeb yr arth ydy gweiddi 'BW!' gan ddychryn pawb o'i hamgylch. Un diwrnod caiff yr arth fraw, gan ddysgu nad yw hi'n beth da i weiddi a dychryn pawb bob amser!

Mae'r ail gyfrol – Cefin y Coala Carcus – yn fersiwn Cymraeg o'r llyfr diweddaraf gan Rachel Bright a Jim Field, The Koala who Could (Orchard Books). Hon yw'r ail gyfrol gan y ddau i mi ei haddasu'n ddiweddar – Y Llew tu Mewn oedd y gwerthwr gorau yng nghategori llyfrau Cymraeg i blant fis Chwefror eleni.

​Dyma ddisgrifiad gwefan Gwales o Cefin y Coala Carcus:

Dewch i gwrdd â Cefin y coala, sy'n hoffi pethau FEL Y MAEN NHW, heb DDIM NEWID. Ond pan mae pethau'n newid yn ddirybudd un dydd, daw Cefin i ddysgu sut i fwynhau profiadau NEWYDD ac ANHYGOEL. Stori ddoniol ar gyfer unrhyw un sy'n teimlo pryder wrth wynebu newid.

Mae stori'r arth fach wen ar gael nawr, a bydd stori Cefin ar gael i'w phrynu ar lein ac yn y siopau ym mis Rhagfyr. Dwy anrheg wych, felly, ar gyfer y Nadolig!

Mae'r testun Cymraeg wedi ei osod ochr yn ochr â'r testun Saesneg yn y ddwy gyfrol, ac felly'n arbennig o ddefnyddiol i blant a rhieni nad ydynt yn rhugl yn yr iaith.

I weld mwy o lyfrau gen i, clicia fan hyn.

---

Two brilliant new books for children (both adaptations) hot off the press ready to fill those Christmas stockings – Yr Arth a fu'n Bloeddio Bw! (David Walliams's and Tony Ross's The Bear Who Went Boo!) and Cefin y Coala Carcus (Rachel Bright's and Jim Field's The Koala who Could). Both books are ideal for both fluent Welsh speakers and learners alike, as texts in both Welsh and English are shown side by side. For more books, click here.