Ffwrnes, Llanelli

Hei! A glywi di
Fel dyfroedd Dafen
Y sŵn a'i eco
Sy yn ein hacen?
Sŵn taro duloyw,
A sŵn troi dalen,
Sŵn Lliedi lew
Yn swnllyd lawen?
Dyma sŵn iaith, gwaith a gwên
Ein dyddiau,
Ein ffair yn nesáu,
Ein ffwrnes awen.

---

Un o'r adeiladau mwyaf newydd yn Llanelli yw theatr Ffwrnes. Mae'r enw ei hun yn dyrchafu'r diwydiannau sy'n gymaint rhan o hanes y dref, ond fel yr afonydd sy'n dal i lifo dan yr wyneb – Dafen a Lliedi yn eu plith – mae isleisiau newydd i'w clywed ar lwyfannau'r hen dref.

Gwefan Theatrau Sir Gâr

Lluniais y gerdd gomisiwn hon, sef hir-a-thoddaid sy'n dathlu asbri'r adeilad newydd, fel Bardd Pensaernïaeth Eisteddfod Genedlaethol Sir Gâr 2014. Roedd gofyn imi ymweld â'r adeilad newydd (a ddyluniwyd gan Lawray Architects) yng nghanol Llanelli, ac â phum adeilad newydd arall o bwys a oedd ar restr fer y Fedal Aur am Bensaernïaeth, ac ymateb yn greadigol i bob un yn ei dro. Clicia ar y dolenni isod i ddarllen y cerddi eraill.

● Stormy Castle, Bro Gŵyr (ceir fersiwn Saesneg hefyd)
● Old Farm Mews, Dinas Powys
● New Barn, Felindre
● Melin Talgarth (ceir fersiwn Saesneg hefyd)
● Capel Galilea, Llanilltud Fawr

---

A poem for Ffwrnes theatr in Llanelli, written as part of a commission for the National Eisteddfod in Carmarthenshire 2014. There are English versions of two other poems that formed part of the same commission, namely Talgarth Mill and Stormy Castle.