Ar ddydd Llun 16 Mai fe lansiwyd y rhifyn diweddaraf o gylchgrawn llenyddol Adran y Gymraeg ac Astudiaethau Celtaidd, Prifysgol Aberystwyth - Y Ddraig. Cyhoeddir y cylchgrawn yn flynyddol gan fyfyrwyr y flwyddyn gyntaf sy'n dilyn cwrs Cymraeg Proffesiynol yn yr adran. Mae'r rhifyn eleni'n cynnwys cerddi caeth a rhydd, straeon byrion, adolygiad o nofel ddiweddaraf Caryl Lewis, Y Bwthyn, a chyfweliadau â Gruffudd Antur, Siân Rees, Elis Dafydd, Anna Wyn Jones, Gwennan Mair Jones a Sonia Edwards.

Mae gen innau gerdd yn y rhifyn hefyd, sef cywydd dychan (ish) i'r bardd Gruffudd Antur. Lluniais y gerdd ar gyfer Anntastig!, noson wych o gerddi dwys a doniol a gynhaliwyd yn ystod yr Eisteddfod Genedlaethol ym Meifod y llynedd. Mae'r gerdd yn ymateb i gywydd a luniodd Gruffudd i mi mewn noson debyg iawn ym mhrifwyl Llanelli yn 2014! Clicia fan hyn am fwy o hanes y noson honno.

Gellir archebu copi o'r Ddraig am £3 drwy gysylltu ag Adran y Gymraeg drwy ebostio [email protected].

Cymer olwg hefyd ar flog Adran y Gymraeg ac Astudiaethau Celtaidd i ddarllen mwy am ddigwyddiadau'r adran, yn cynnwys digwyddiad a gynhaliwyd yn yr Hen Goleg ar 18 Mai i gofio Gwilym Williams, bardd a chyn-fyfyriwr yn yr adran a fu farw yn y Rhyfel Mawr.

The latest edition of Y Ddraig - a literary magazine produced annually by first-year students at the Department of Welsh and Celtic Studies at Aberystwyth University - is now available. It showcases fresh new literature and interesting features, including poems, short stories, a book review and a host of interviews. It also includes a poem I composed for a literary event at the National Eisteddfod in Meifod last year, in which I roasted my fellow-poet, Gruffudd Antur!

You can request a copy of Y Ddraig for £3 by emailing the Department of Welsh at [email protected].

​Take a look at our blog for more news about the Department of Welsh and Celtic Studies, including an event held at the Old College on 18 May to commemorate Gwilym Williams, a poet and former student at the department who was killed in the First World War.

Mae'r rhifyn y gwanwyn 2016 o'r cylchgrawn barddoniaeth chwarterol, Poetry Wales, bellach ar gael. Yn ogystal â cherddi di-ri, mae'r cylchgrawn yn llawn dop o erthyglau ac adolygiadau yn ymwneud â barddoniaeth yng Nghymru a thu hwnt (clicia fan hyn i weld rhest gyflawn o'r cynnwys).

Ymhlith yr adolygiadau y tro hwn, ceir adolygiad gen i o gyfrol olaf Gerallt Lloyd Owen, Y Gân Olaf (Cyhoeddiadau Barddas, 2015). Dyma baragraff cyntaf yr adolygiad:

Mae'r rhifyn hwn hefyd yn cynnwys cerdd gen i, sef 'Haji Ali Dargah', cywydd a ysbrydolwyd yn sgil ymweliad â beddrod y sant Moslemaidd Haji Ali ym Mwmbái fel rhan o brosiect Walking Cities (a ariannwyd gan y Cyngor Prydeinig) yn 2014. Ysgrifennais y gerdd ar gyfer perfformiad cydweithredol â Zoë Skoulding fel rhan o brosiect Gelynion-Enemies Cymru yn 2015. Mae cerdd Zoë - a gyhoeddir yn y rhifyn hwn hefyd - yn barodi gwych o gywydd a ganodd Syr Dafydd Trefor i'r eglwys ym Mangor yn 1527 (bydd fy ngolygiad o gerdd Dafydd yn ymddangos ar wefan Cwlt y Seintiau maes o law).

Ceir yn y rhifyn hwn hefyd gyfres o gerddi gan SJ Fowler a ysgrifennwyd mewn ymateb i ffotograffau gan Kate Mercer (cyhoeddir y cerddi ochr yn ochr â'r lluniau), a hynny ar gyfer arddangosfa The Night-Time Economy yng nghanolfan gelfyddydol Glan yr Afon yng Nghasnewydd. Bydd yr arddangosfa (a gefnogir gan Gyngor Celfyddydau Cymru) ar agor drwy gydol mis Ebrill, a bydd hefyd yn ymweld â'r Rich Mix Gallery yn Llundain 17-31 Gorffennaf. Cefais fy nghomisiynu i gyfieithu i Gymraeg rai o'r cerddi, ac mae'r cyfieithiadau hynny ar gael i'w darllen yn yr arddangosfa.

The spring issue of the quarterly poetry magazine, Poetry Wales, is out now. As well as a shedload of poetry, the magazine features a host of articles and reviews on poetry in Wales and beyond (click here to see the full list of contents).

The reviews section for this issue includes my review of Gerallt Lloyd Owen's posthumous collection of poetry, Y Gân Olaf (Cyhoeddiadau Barddas, 2015). The first paragraph of the review can be read on this blogpost.

This issue also includes 'Haji Ali Dargah', a Welsh poem inspired by a visit to the tomb of the Muslim saint Haji Ali in Mumbai as part of the Walking Cities project (funded by the British Council) in 2014. I wrote the poem for a collaborative performance with Zoë Skoulding as part of the Gelynion-Enemies Cymru project in 2015. Zoë's poem - which also features in this issue - is a brilliant parody of a poem composed by Syr Dafydd Trefor for the cathedral church in Bangor in 1527 (my edition of Dafydd's poem will be available soon on the Cult of Saints website).

The issue also features a series of poems by SJ Fowler written in response to photographs by Kate Mercer (both poems and photos are shown in the magazine) for The Night-Time Economy exhibition at the Riverfront arts centre in Newport. The exhibition is supported by the Arts Council of Wales and runs until the end of April, and will also visit the Rich Mix Gallery in London 17-31 July. I was commissioned to translate some of the poems into Welsh, all of which are available to be read at the exhibition.

Mae rhifyn newydd o gylchgrawn llenyddol Taliesin wedi cyrraedd y tŷ, a'i glawr gwyrdd golau'n dod â'r gwanwyn drwy'r drws. Ond mae a wnelo'r rhifyn hwn fwy â diwedd pethau na'u dechrau, yn anffodus, gan mai hwn yw'r rhifyn olaf o Taliesin​ yn ei ffurf bresennol. Mae'r ddwy olygyddes, Angharad Elen a Siân Melangell Dafydd, yn rhoi'r gorau i'r gwaith ar ôl chwe mlynedd, a bu'r cais i adnewyddu'r grant i barhau â'r cylchgrawn yn aflwyddiannus. Fel y dywedir yn y golofn olygyddol:

Er mai siom a chwithdod garw yw gweld y cylchgrawn hwn yn dod i ben ar ôl 55 mlynedd di-dor, hel mwg i sachau fyddai hiraethu a marwnadu. Yr hyn sy'n bwysig yw bod y Cyngor Llyfrau wedi ei gweld hi'n iawn i ddyfarnu grant i gyhoeddiad llenyddol newydd, cyffrous.

Enw'r cyhoeddiad newydd hwnnw yw O'r Pedwar Gwynt, dan olygyddiaeth Sioned Puw Rowlands, Owen Martell a Mari Siôn, gyda chefnogaeth gan Brifysgol Bangor a PEN Cymru. Bydd y rhifyn cyntaf yn ymddangos yn Eisteddfod Genedlaethol Sir Fynwy ym mis Awst eleni.

Roedd bob tro'n wefr gweld fy ngwaith wedi ei gyhoeddi rhwng cloriau Taliesin. Rwy'n falch i ddweud, er mor rhyfedd yw cyfaddef hynny, fy mod i'n rhan o'r rhifyn olaf hwn, lle ceir adolygiad gen i o'r ail becyn yng nghyfres Yr Hen Lyfrau Bach (gol. Dafydd Glyn Jones). Braf medru dweud imi gael blas mawr ar y pedair cyfrol newydd yn y gyfres, lle cyflwynir testunau dethol gan Lloyd George, Omar Kayyâm/John Morris-Jones, Twm o'r Nant a Goronwy Owen.

Roedd bob tro'n braf pori drwy gynnwys y cylchgrawn hefyd, ac nid yw'r rhifyn hwn yn eithriad. Dwi eisoes wedi cael blas ar gyfraniadau amrywiol gan Twm Morys, Robin Llywelyn, Karen Owen a Sian Northey ... mynnwch gopi, a mwynhewch!

The latest issue of Taliesin, the Welsh literary magazine founded in 1961, will be the last, its funding having been recently withdrawn. A new publication will, however, come in its place. The first issue of Y Pedwar Gwynt, supported by Bangor Unversity and Wales PEN, will be launched at the National Eisteddfod in Monmouthshire this August. The current issue of Taliesin contains my review of four new books in the Hen Lyfrau Bach series, namely editions of work by Lloyd George, Omar Kayyâm/John Morris-Jones, Twm o'r Nant and Goronwy Owen.