Mae gwefan newydd wedi ei lansio gan wasg Atebol, sef barddoniaeth.cymru. Adnodd ymarferol yw'r wefan ar gyfer cyflwyno a dadansoddi barddoniaeth yng Nghyfnod Allweddol 3. Mae'r wefan yn cynnwys deugain o gerddi wedi eu dosbarthu yn ôl wyth o themâu, a hynny gan drawstoriad eang o feirdd am bynciau amrywiol iawn. Ceir yn eu plith un gerdd gen i, sef Y Cadno Coch o'r gyfrol Sgrwtsh! (Gomer, 2011).

​Mae'r adnoddau'n cynnwys fideo o'r bardd yn darllen ac yn trafod y gerdd, crynodeb ohoni, tŵlbocs gweithgareddau a thasgau amrywiol. Y nod, wrth gwrs, yw galluogi i bobl ifanc fwynhau barddoniaeth o'r newydd.

Fel y nodir ar y wefan, bwriad yr adnodd yw cefnogi Rhaglen Astudio Llafaredd a Darllen y Fframwaith Llythrennedd a Rhifedd, ac fe'i ariannwyd yn rhannol gan Lywodraeth Cymru. Awdur y wefan yw'r prifardd Ceri Wyn Jones.

Mae gen i gof mai Osian Rhys a ddywedodd mewn cywydd un tro fod angen 'creu lle ar y we i'r iaith'. Roedd lansio e-gylchgrawn cyntaf y Stamp ar 23 Mawrth yn nhafarn y Cŵps yn gam pwysig ymlaen at gyflawni'r weledigaeth honno. Cafwyd perfformiadau gan Bethany Celyn, Rhys Trimble, Gareth Evans Jones, Alun Jones Williams a dau o olygyddion y Stamp, Grug Muse ac Iestyn Tyne, i nodi dechrau'r fenter newydd. Yn ôl gwefan y Stamp, y nod yw

cynnig llwyfan newydd i lenyddiaeth yn y Gymraeg, gan gyhoeddi rhyddiaith, barddoniaeth, erthyglau, cyfweliadau, adolygiadau a mwy.

Fy nghyfraniad i ar y noson oedd canu cywydd i ddymuno'n dda i'r pedwar golygydd – Grug, Iestyn, Miriam Elin Jones a Llŷr Titus – ac i dy annog di, ddarllenydd, a phawb arall i anfon dy waith atyn nhw whap!

ystamp.cymru

Ers saith mlynedd bu cleddyf
Angau ar gylchgronau'n gryf,
Troi miloedd yn bunnoedd bach,
Torri grantiau rhy grintach,
Ac yn fisol didolir
Rhyw un teitl i'w roi'n y tir …

I ddarllen gweddill y gerdd, clicia fan hyn! Mae copïau caled (nifer cyfyngedig) a chopïau pdf ar lein (am ddim) o'r e-gylchgrawn newydd sbon ar gael fan hyn.

Croeso mawr i fy ngwefan newydd, lle gelli ddod o hyd i gerddi hen a newydd gen i, Eurig Salisbury.

Mae'r cerddi sy ar y wefan ar hyn o bryd yn ddetholiad o gerddi rydw i wedi eu cyfansoddi dros yr wyth mlynedd a aeth heibio ers imi gyhoeddi fy nghasgliad cyntaf o farddoniaeth, Llyfr Glas Eurig​ (Cyhoeddiadau Barddas), yn 2008.

A big welcome to my new website, where you'll find poems both old and new by me, Eurig Salisbury.

The poems available now are a selection of the poems I have written over the last eight years since the publication of my first collection of poetry, Llyfr Glas Eurig (Cyhoeddiadau Barddas), in 2008.

Mae'r cerddi bron i gyd yn gerddi comisiwn ac, yn hynny o beth, yn adlewyrchu tuedd gyffredin mewn barddoniaeth Gymraeg heddiw. Cerddi cyhoeddus yw fy nghynnyrch pennaf, cerddi at iws. Ceir ar y wefan hon gerddi a gyfansoddwyd ar achlysur priodas, cerddi cyfarch i feirdd eraill, cerddi a luniwyd yn unswydd ar gyfer eu perfformio'n gyhoeddus a cherddi a gomisiynwyd yn arbennig ar gyfer eisteddfodau a rhaglenni radio a theledu.

Mae'r hyn sy'n anathema llwyr, bron iawn, yn Lloegr ac mewn cynifer o wledydd eraill ar draws y byd, yn rhan gwbl naturiol o ddiwylliant Cymru. Dyma ganu cymdeithasol yn nhraddodiad y beirdd gwlad, y Cywyddwyr a Beirdd y Tywysogion - Dic Jones, Guto'r Glyn a Chynddelw Brydydd Mawr. Dyma'r traddodiad Taliesinaidd, ac rydw i wrth fy modd fy mod i'n rhan ohono.

Os hoffet ti gomisiynu cerdd, mae tudalen ar y wefan hon lle gelli wneud cais.

Yn y cyfamser, mwynha'r pori. O hyn ymlaen, byddaf yn ychwanegu'n rheolaidd gerddi hen a newydd at y casgliad, yn ogystal â phostio ambell gofnod yma ar y blog. Heddiw, fe geir ar y wefan ddwsin o gerddi Cymraeg mewn trefn gronolegol:

Tir Newydd | Awst 2008
​Stres mewn Preseb | Rhagfyr 2011
Gofyn Torch gan Gynog Sant | Mai 2014
Capel Galilea, Llanilltud Fawr | Gorffennaf 2014
​Melin Talgarth | Gorffennaf 2014
Yn y Coch | Awst 2014
Cyfarch Ceri | Awst 2014
Ger Taid | Awst 2014
YES | Medi 2014
Cariad@Iaith | Mehefin 2015
I Gyfarch Hywel | Awst 2015
I Teilo ac Einir | Awst 2015

Ceir dwy gerdd Saesneg:

Talgarth Mill | July 2014
Stormy Castle | July 2014

Ceir hefyd ddwy gerdd i blant, y naill yn Gymraeg a'r llall yn Saesneg:

Sut i Goginio'r Wawr | Mehefin 2012
A Recipe for Dawn | June 2012

These poems are almost all commissions, and reflect a common trend in Welsh poetry today. My poetry is social. I write poems for everyday use. This website showcases poems composed for weddings, poems to congratulate other poets, poems written specifically to be read in public and commissioned poems for eisteddfodau and for radio and television programmes.

This phenomenon may be almost a complete anathema in England and in so many other countries across the world, but it's a completely natural part of Welsh culture. It is the modern equivalent and inheritor of the poetry of the beirdd gwlad and the medieval court poets who sang the praises of princes and noblemen. Known after its earliest progenitor, this is the Taliesin tradition, and I'm glad to be part of it.

If you'd like to commission a poem, click here to make a request.

In the meanwhile, read on! From now on I'll be uploading regular content, poems both old and new, as well as occasionally posting here on the blog. Right now, the website has a dozen poems in Welsh, ordered chronologically:

​Tir Newydd | Awst 2008
​Stres mewn Preseb | Rhagfyr 2011
Gofyn Torch gan Gynog Sant | Mai 2014
Capel Galilea, Llanilltud Fawr | Gorffennaf 2014
​Melin Talgarth | Gorffennaf 2014
Yn y Coch | Awst 2014
Cyfarch Ceri | Awst 2014
Ger Taid | Awst 2014
YES | Medi 2014
Cariad@Iaith | Mehefin 2015
I Gyfarch Hywel | Awst 2015
I Teilo ac Einir | Awst 2015

There are two poems in English:

​Talgarth Mill | July 2014
Stormy Castle | July 2014

There are also two poems for children, one in Welsh and the other in English:

​Sut i Goginio'r Wawr | Mehefin 2012
A Recipe for Dawn | June 2012