Fideo: Y Llew tu Mewn

Y llynedd fe ofynnodd gwasg Atebol imi addasu llyfr lliwgar i blant dan saith oed gan Rachel Bright a Jim Field o'r enw The Lion Inside (Orchard Books). Daeth Y Llew tu Mewn o'r wasg fis Chwefror eleni, a chael ei enwi'r gwerthwr gorau ar gyfer y mis hwnnw yng nghategori llyfrau Cymraeg i blant. Dyma ddisgrifiad gwefan Gwales:

Llyfr stori gynnes gyda thestun sy'n odli ac sydd hefyd â neges arbennig i'w dysgu. Y prif gymeriad yw llygoden fach sy'n ceisio ennill ei phlwyf yng nghanol yr anifeiliaid mawr! Ar ddiwedd y daith mae'n darganfod ei llais ei hun ac yn dysgu bod gan bob anifail, boed fawr neu fach, ran bwysig i'w chwarae yn y byd.

Mae'r testun Cymraeg wedi ei osod ochr yn ochr â'r testun Saesneg, ac felly'n arbennig o ddefnyddiol i blant a rhieni nad ydynt yn rhugl yn yr iaith.

Rai wythnosau'n ôl fe ymunais i â dau o staff Atebol, Heulwen a Lleu, yn nhafarn a bwyty'r Llew Du yn Nhal-y-bont i ffilmio fideo 'Amser Stori'. Mae fideos eraill tebyg i'w gweld ar sianel YouTube Atebol. Dyma'r fi, felly, yn darllen stori Y Llew tu Mewn - mwynhewch!

Clicia fan hyn i weld fideo arall ohonof i'n darllen stori arall i blant dan saith oed, Deg Deinosor Bach.

Clicia fan hyn i weld mwy o lyfrau gen i.

---

A video of me reading Y Llew tu Mewn, my recently published adaptation of The Lion Inside (Orchard Books), a great book by Rachel Bright and Jim Field for children under seven. Other similar videos are available on the publisher Atebol's YouTube channel. Like my other recent adaptation, Deg Deinosor Bach (click here for the video), this is and ideal book for fluent Welsh speakers and learners alike, as texts in both Welsh and English are shown side by side. Click here for more books.