Llyfr Newydd: Geiriau Bach Chwareus

Mae cyfrol newydd o farddoniaeth i blant yn y siopau - Geiriau Bach Chwareus gan Wasg Carreg Gwalch. Prif awdur y gyfrol, a'r un sy'n gwenu ar y clawr, yw Anni Llŷn, Bardd Plant Cymru 2015-17. Fel mae Anni yn ei ddweud yn ei chyflwyniad i'r gyfrol:

Mae pob un ohonan ni wedi chwarae ryw dro ... Mae beirdd yn chwarae bob dydd. Chwarae efo geiriau, chwarae efo dychymyg, chwarae efo delweddau. Ond plant ydi'r gorau am chwarae ... Dyma gasgliad o gerddi chwareus gan feirdd chwareus i blant chwareus!

Mae'r gyfrol yn cynnwys cerddi gan bob un o gyn-Feirdd Plant Cymru - tri ar ddeg ohonyn nhw i gyd, o Myrddin ap Dafydd i Mererid Hopwood - yn ogystal â cherddi gan Geraint Løvgreen, Mari Løvgreen a phlant Adran yr Urdd, Llithfaen. Yn eu plith mae dwy gerdd gen i, y naill yn sôn am y boen o orfod golchi esgidiau pêl-droed budur a'r llall am y peryglon o ennill gemau bwrdd ...

Os wyt ti'n hoffi chwarae, cofia brynu'r gyfrol, a mwynha'r darllen!

---

Geiriau Bach Chwareus (Gwasg Carreg Gwalch) is a new collection of playful poetry about playing by those who spend most of their time playing with words - poets! Specifically the current Bardd Plant Cymru (Welsh Children's Laureate), Anni Llŷn, as well as thirteen other poets who have held the post. I contributed two poems, one about neglecting to clean my football boots and the other about the perils of winning board games ...