Llyfr Newydd: Hwrê mae hi'n Wyliau!

Yn dilyn llwyddiant Geiriau Bach Chwareus, mae Gwasg Carreg Gwalch wedi cyhoeddi cyfrol arall o gerddi i blant gan Fardd Plant Cymru, Anni Llŷn, a Beirdd Plant y gorffennol – tri ar ddeg ohonyn nhw i gyd, o Ifor ap Glyn i Gwyneth Glyn. Enw'r gyfrol y tro hwn yw Hwrê mae hi'n Wyliau! ac, fel y gelli di ei ddyfalu, mae'r cerddi i gyd yn sôn am wyliau! Fel mae Anni yn ei ddweud yn ei chyflwyniad i'r gyfrol:

Mae pawb yn hoffi gwyliau, hyd yn oed beirdd. Mae gwyliau yn golygu hwyl, rhyddid, antur a threulio amser gyda'r bobl orau yn dy fywyd. Ydi, mae hi'n fendigedig mynd ar wyliau. Felly beth am roi gwyliau bach i dy ddychymyg? Coelia di fi, rhwng dau glawr y cei di a dy ddychymyg wyliau anturus.

Ymhlith y cerddi y tro hwn mae dwy gen i, y naill am ŵyl newydd sbon a hynod anhygoel o'r enw Gŵyl Eurig, a'r llall am helyntion Gwenlli yn Enlli, Elin yn y Felinheli a Iona yn Llanddona … mwynha'r darllen!

---

Following the success of Geiriau Bach Chwareus, Gwasg Carreg Gwalch have published a new collection of poetry about the holidays. Helmed by the current Bardd Plant Cymru (Welsh Children's Laureate), Anni Llŷn, Hwrê mae hi'n Wyliau also contains poems by thirteen other poets who have held the post, including two by me – one about a new and brilliant festival called Gŵyl Eurig, and another about the adventures of Gwenlli on Enlli, Elin in Felinheli and Iona in Llanddona …