Llyfr newydd: Llyfr Gwyrdd Ystwyth

Ddeuddeng mlynedd ar ôl cyhoeddi fy nghyfrol gyntaf o farddoniaeth, Llyfr Glas Eurig, dyma gyhoeddi'r ail, Llyfr Gwyrdd Ystwyth. Barddas yw'r cyhoeddwr unwaith eto, ac roedd yn bleser cydweithio ar y gyfrol ag Alaw Mai Edwards, Golygydd Creadigol Cyhoeddiadau Barddas.

Mae gwerth dros ddegawd o gerddi yn y gyfrol, a'r rheini i gyd, mewn rhyw ffordd neu'i gilydd, yn greadigaethau cyhoeddus. Cerddi ydyn nhw a luniwyd naill ai ar gomisiwn neu ar gyfer digwyddiad penodol, yn amlach na heb i'w darllen o flaen cynulleidfa. Ond er cystal y profiad o'u darllen i mewn i'r meic ar lwyfannau ar hyd a lled Cymru a'r byd, roedd eu cywain ynghyd rhwng dau glawr yn brofiad hyfryd hefyd, yn y gobaith y dôn nhw o hyd i gynulleidfa newydd.

​Os hoffet ti gael blas ar gerddi'r gyfrol cyn ei phrynu, darllena'r cywydd hwn i gyfarch Aneirin Karadog ar ennill y Gadair, neu'r gyfres hon o dribannau am Ddewi Sant – neu, yn wir, unrhyw gerdd arall sy ar y wefan hon!

Yn anffodus, yn sgil aflwydd y feirws a'r Meudwyo Mawr, mae cannoedd o gopïau o'r gyfrol yn gorwedd yn segur yn yr argraffdy! Does dim modd prynu'r gyfrol yn y dull arferol ar hyn o bryd ond, er hynny, mae gen i lond bocs ohonyn nhw adref yma yn Aber. Dwi'n credu'n gryf y dylid cefnogi siopau llyfrau Cymraeg, a dwi'n edrych ymlaen yn fawr at weld y gyfrol ar silffoedd siopau ar hyd a lled Cymru'n fuan. Yn y cyfamser, mae'r ychydig gopïau sy gen i – 28 copi, a bod yn fanwl – ar werth. Os hoffet ti brynu copi am £8.95 (dim costau anfon) – a chael neges bersonol gen i ar y tu mewn – rho dy fanylion yn y blychau isod, ac fe anfonaf i neges yn ôl atat ti gyda'r manylion talu.

*MAE'R HOLL GOPÏAU OEDD GEN I BELLACH WEDI EU GWERTHU* Ond os wyt ti'n cael trafferth dod o hyd i gopi ar lein yn ystod y Meudwyo Mawr yma, mae croeso iti lenwi'r blychau isod, ac fe anfona'i neges yn ôl i weld a fedra'i helpu.

---

My new collection of poetry, Llyfr Gwyrdd Ystwyth (Cyhoeddiadau Barddas), was published last month. Unfortunately, hundreds of copies are sitting idle in the printing-house, the lockdown having struck as the books were being printed! However, I have 28 copies at home for sale, and you can order one by writing your details in the boxes above (including the option of having your copy signed).

*ALL MY COPIES HAVE NOW BEEN SOLD* But if you're not sure how or where to buy a copy, please fill in the form above and I'll get back to you as soon as I can.