Pedwar canmlwyddiant Huw Morys (1622–1709)

Dethlir eleni bedwar canmlwyddiant geni un o feirdd mawr y genedl, Huw Morys o Bont-y-meibion yn Nyffryn Ceiriog. Cynhaliwyd penwythnos o ddathliadau ar 30 Ebrill a 1 Mai yn Nyffryn Ceiriog ac yn Llansilin. Am fwy o wybodaeth am Huw a'i waith, clicia ar y dolenni hyn:

• carol haf gan Huw Morys;
• podlediad Clera mis Ebrill 2020, lle cenir un o garolau haf Huw;
• podlediad Clera mis Ionawr 2019, lle trafodir fy ngwaith ymchwil ar Huw a lle ceir hefyd olygiad drafft o gerdd ofyn gan Huw am gymorth criw o grefftwyr i godi tŷ i bobl dlawd.

​Gwelir ar y dde lyfryn sy'n amlinellu holl gynnwys y penwythnos, ynghyd â thestunau chwech o gerddi Huw a berfformiwyd fel rhan o'r dathliadau.

Os cefaist ti flas ar ddathliadau'r pedwar canmlwyddiant, naill ai ar y penwythnos ei hun neu yn sgil yr hyn sy ar y wefan hon, mae croeso iti lenwi'r holiadur syml hwn. Gallai dy ymatebion gynorthwyo'r gwaith o olygu cerddi Huw dros y blynyddoedd nesaf.

Dyma hefyd recordiad o seminar gen i (17 Mawrth 2022) ar garolau haf Huw Morys a'i gyfoeswyr yng nghyfres seminarau'r Ganolfan Uwchefrydiau Cymreig a Cheltaidd.